FDA رەزامەندیی لەسەر بەکارهێنانی بەرهەمێکی نوێ بۆ کەمکردنەوەی ئارەقەی ژێرباڵ دەدات

 

دەزگای خۆراک و دەرمان لە ئەمریکا (FDA) بەرهەمێکی نوێی پزیشکیی کۆمپانیای کاندێساتیی ئەمریکی بۆ کەمکردنەوەی ئارەقەی ژێر باڵ پەسنددەکات و رایدەگەیێنێت، بەرهەمەکە لە چەند پارچەیەک پێکدێت، کە لە ماوەی سێ خولەکدا لە ژێر باڵ دادەندرێت و بە رێژەیەکی بەرچاو بۆ ماوەی چوار مانگ ئارەقەی ژێرباڵ کەمدەکاتەوە. 

 

بەرهەمەکە بە ناوی Brella بەردەستدەبێت و پێکدێت لە چەند پارچەیەک کە بەشێوەی لەزگە لەژێر باڵ دەدرێت بەمەستی کەمکردنەوەی ئارەقکردنەوەی زۆری ژێر باڵ، لەزگەکە لە مادەی سۆدیۆم پێکدێت و کاریگەری لەسەر کەمکردنەوەی دەردانی ئارەقەرژێنەکانی ژێرباڵ دەبێت. 

 

رەزامەندیی دەزگای خۆراک و دەرمان بە پشتبەستن بەو دەرئەنجامانەی توێژینەوەکانی تایبەت بە بەرهەمەکە بوو، کە 110 کەس تێیدا بەشداربوون و دەرکەوت بەکارهێنەران دوای 12 بۆ 13 هەفتە ئارەقەکردنی ژێر باڵیان کەمتر بووە و هیچ کاریگەرییەکی لاوەکییان لەسەر نەبووە. 

 

بەڕێوەبەری جێبەجێکردنی کۆمپانیاکە دەڵێت: بەرهەمەکە لە توانایدا دەبێت 80% کاریگەر بێت بە کەمکردنەوەی ئارەقکردنەوەی ژێر باڵ و لەکۆتاییدا گوتی، بەرهەمەکە لە کۆتایی ئەمساڵدا بە فەرمی دەخرێتە بازاڕەکانەوە.