سەندیکای پزیشکان: تەنیا پسپۆڕانی تیشک و سۆنەر بۆیان هەیە سۆنەر بکەن

 

سەندیکاکە لە نووسراوێکدا جەختی لە بڕیارێکی کۆمەڵەی رادیۆلۆژیی کوردستان کردووەتەوە کە تێیدا هاتووە، ''هەندێک لە پزیشکان کە هەڵگری بڕوانامەی تیشک و سۆنەر نین، ئامیری سۆنەر لە نەخۆشخانە تایبەتییەکان و کلینیکە پزیشکییەکان بەکاردەهێنن، ئەمەش پێچەوانەی یاسایە''.

 

ئەمڕۆ چوارشەممە 25-6-2025 د. عادل عوسمان، سەرۆکی لقی سلێمانیی کۆمەڵەی پزیشکانی رادیۆلۆژیی کوردستان بە رووداوی راگەیاند، ئەم دیاردەیە بینیومانە و ئێستا خەریکە پەرە دەسێنێت، بەجۆرێک پزیشکانی پسپۆڕیی خانمان و منداڵبوون یان پسپۆڕی سڕکردن، هەروەها ئێسک و شکان خۆیان سۆنەر بۆ نەخۆش دەکەن.

 

د. عادل عوسمان گوتی، هەندێک پزیشک تاوەکو ئێستاش بەردەوامن و لەژێر چاودێریدان، ئەگەر هەر بەردەوام بن ئەوا بە تووندی سزا دەدرێن.

 

 

- نرخی گران دەبێت.

- وردیی ئەنجامەکانی کەم دەبێتەوە.

- هەڵەدەستنیشانکردنی نەخۆشییەکە زۆر دەبێت.

- بەهەڵە پشکنینەکە دەکرێت.