تەندروستیی هەڵەبجە: بە فەرمی رێگە نادەین تاقیگە حکومییەکان بدرێن بە کەرتی تایبەت

 

ئەمڕۆ یەکشەممە 26-1-2025 د. ئازاد مستەفا، بەڕێوەبەری گشتیی تەندروستیی هەڵەبجە لە کۆنگرەیەکی رۆژنامەڤانیدا گوتی، حکومەتی هەرێمی کوردستان بودجەیەکی کەمی بۆ پارێزگای هەڵەبجە داناوە و ئەمەش وایان لێدەکات کە پەنا ببەن بۆ رێکخراو و کۆمپانیا نێودەوڵەتییەکان کە هاوکارییان بکەن.

 

بەگوتەی د. ئازاد مستەفا، رەزامەندیی خەرجکردنی هیچ بڕەپارەیەک نەهاتووە بۆ تەندروستیی هەڵەبجە و ناچار پەنایان بۆ رێکخراو و کەرتی تایبەت بردووە بۆ هاوکاریکردنیان لە دابینکردنی پێداویستییە پزیشکییەکان، هەر بۆیە ئەمڕۆ کۆمپانیای 'ئاوامێدیکا' کۆمەڵێک پێداویستیی پشکنینی بۆ تەندروستیی هەڵەبجە دابینکرد.

 

بڕیارێکی نوێی وەزارەتی تەندروستی هەڵڵایەکی زۆری لەنێو پسپۆڕان و بەرپرسانی کەرتی تەندروستی دروستکرد کە خزمەتگوزاریی تاقیگە حکومییەکان دەدرێن بە کەرتی تایبەت، بەڵام پاش زیاتر لە دوو مانگ لە ناڕەزایەتییەکان نوێترین قسەی وەزیری تەندروستی ئەمە بووە؛