حەوت رێگەی سرووشتی بۆ بەهێزکردنی بەرگریی جەستەی منداڵەکەت دژی پەتاکان بزانە

د. سۆران سابیر، پسپۆڕی نەخۆشییەکانی منداڵان دەڵێت: رۆژانە خواردنی میوە و سەوزەکان کە دەوڵەمەندن بە کانزا و ڤیتامینەکان و مادەی دژەئۆکسان گرنگە، چونکە هێڵی بەرگری چالاک دەکەن. هەروەها خواردنی ماست بۆ تەندروستی و بەرگریی گەدە و ریخۆڵەکان بەسوودە.

 

ئەو پسپۆڕە ئەمانەی خوارەوە پێشنیاز دەکات؛

 

1- زوونووستن و خەوی باش؛ دەبێتە هۆی چاکبوونەوەی خانەکان و دروستبوونی پڕۆتینەکانی بەرگری کە دژی ڤایرۆس و بەکتریاکان دەجەنگن. 

 

2- رۆژانە خواردنی میوە و سەوزەکان؛ کە دەوڵەمەندن بە کانزا و ڤیتامینەکان و مادەی دژەئۆکسان، چونکە هێڵی بەرگری چالاک دەکەن. خواردنی ماست بۆ تەندروستی و بەرگریی گەدە و ریخۆڵەکان بەسوودە.

 

3- خواردنەوە و هێشتنەوەی جەستە بە تێرئاوی؛ هۆکارە بۆ کردنە دەرەوەی مادە ژەهرەکان و بەرگریەکی بەهێزتر.

 

4- چوونەدەرەوە، یاریکردن و جووڵەی رۆژانە؛ سووڕی خوێن  چالاک دەکات و بەرگریی منداڵ پتەو دەکات. 

 

5- کەمکردنەوەی گوشار و دڵەڕاوکێ؛ نزیکبوون لە منداڵان و دڵدانەوە و پاڵپشتیکردن و یارمەتیدانی لەڕووی دەروونییەوە گوشار کەم دەکاتەوە و بەرگری بەهێز دەکات.

 

6- پێدانی شیری دایک؛ پڕە لە دژەتەنەکان و خڕۆکەی سپی، بایەخی زۆرە لە پتەوکردنی سیستمی بەرگریی منداڵ.

 

7- فێرکردنی پاکوخاوێنی و دەست شووشتن؛ هۆکارە بۆ کەمتر تووشبوون بە نەخۆشییەکان.