پسپۆڕێک: خانمان پێش دووگیانبوونیان، پشکنینی خوێن و شەکرە بکەن
رووداو - تەندروستی
پسپۆڕێک مەرجەکانی دووگیانبوونی تەندروست روون دەکاتەوە و دەڵێ، تەمەنی 20 تاوەکو 35 ساڵ باشترین کاتی دووگیانبوونە و لانیکەم 6 مانگ بۆ ساڵێک لەنێوان دوو دووگیانیدا هەبێت.
د. شەنە پشتیوان، پسپۆڕی نەخۆشییەکانی خانمان و منداڵبوون لە بووڵتەنی تەندروستیدا گوتی، خانمان پێش دووگیانبوونیان، پشکنینی خوێن و شەکرە بکەن و پشکنینی پزیشکیی پێش دووگیانی رێگرە لە کێشەکانی ماوەی دووگیانی.
د. شەنە پشتیوان دەڵێ، قەڵەوی بۆ خانمانی دووگیان کێشەیەکی جیدی و مەترسیدارە و پێش دووگیانبوون، خانمان کێشیان رێک بکەنەوە.
هاوکات ئەوەش باس دەکات کە تائێستا هیچ خۆراک و رێژیمێکی خۆراکی بۆ دەستنیشانکردنی رەگەزی منداڵ نییە، بەڵکو تەنیا لەڕێگەی منداڵی بلوورییەوە دەتواندرێت، رەگەزی کۆرپەلە دیاریبکرێت.