لە کفری بەشی پشکنینی پێشوەختەی گرێ و شێرپەنجەکانی مەمک کرایەوە

 

ئەمڕۆ سێشەممە 28-1-2025 د. سامان سەرتیپ، بەڕێوەبەری نەخۆشخانەکە بە رووداوی راگەیاند، هەر خانمێک دەتوانێت لە بەشەکە پشکنین بکات و پێشوەختە گرێ و شێرپەنجەی مەمک {ئەگەر هەیبێت} دەستنیشانبکرێت یاخود چاودێریی دۆخی تووشبووان بکرێت.

 

د. سامان سەرتیپ گوتی، ''هەموو رۆژێک بەشەکە کراوەیە و ئامانجمانە رۆژانە زیاتر لە 20 کەس پشکنینیان بۆ بکرێت''، لەبارەی تێچووی پشکنینەکە دەڵێت: ''بۆ تووشبووانی شێرپەنجە بەخۆڕاییە و بۆ کەسانی دیکەش لە 10 هەزار دینار کەمترە''.

 

خانمێک کارمەندێکی بەشەکەیە و دەڵێت: یەک ئامێر دابینکراوە وە سێ کارمەندی خۆبەخش بۆ پشکنینەکە تەرخانکراون.

 

لە گەرمیان چوار نەخۆشخانەی گشتی هەن و تەنیا لە نەخۆشخانەی گشتیی کفری بەشی پشکنینی پێشوەختە بۆ شێرپەنجە مەمک و گرێیەکانی مەمک کراوەتەوە.