بۆچی هەندێک لە گەوران هاوشێوەی منداڵییان لە کردە پزیشکییەکانی ددان دەترسن؟

 

توێژینەوەکە لەلایەن توێژەرانی نەرویژیی زانکۆی ترۆنهایم لەسەر زیاتر لە 5 هەزار و 800 مێردمنداڵ لەنێوان 13 بۆ 17 ساڵان کرا و دەرکەوت، ئەوانەی لە تەمەنە بچووکەکانیاندا دووچاری کردەیەکی جوانکاری یاخود کێشەیەکی دەم و ددان بوون و ئازاری زۆریان هەبووە لەکاتی ددان دەرهێنان و ددان پڕکردنەوە.

 

پسپۆڕان ئەوەشیان باس کردووە، ترسی مێردمنداڵی لە پزیشکی ددان لەنێو كچاندا زۆر زیاترە بەراورد بە کوڕان.

 

لینا میران، دەروونناس و سەرپەرشتیاری توێژینەوەکە دەڵێت: زۆرێک لەو کەسانەی بە گەورەیی ترسیان لە شتێک هەیە، مانای وایە بە منداڵی لێی ترساون و بە ترسەوە رووبەڕووی بوونەوەتەوە، بۆیە بووەتە مۆتەکەیەک.

 

هەر بۆیە ئەو دەروونناسە رێنوێنی پزیشکان و دایبابان دەکات، ژینگەیەکی لەبار بۆ منداڵەکانیان بگونجێنن کاتێک کردەیەکی پزیشکیی ددانیان بۆ دەکرێت، تاوەکو کەمتر بترسن.