کۆنسووڵی چین: چاوەڕێی ئەوە دەکەین ئەزموونی رەمەزانی موسڵمانانی چین بەشبکەین

 

 

ئەمڕۆ شەممە، 1ـی ئاداری 2025، یەکەم رۆژی مانگی رەمەزانی پیرۆزە. 

 

لیو جیون، کۆنسووڵی چین لە هەولێر بە بۆنەی هاتنی مانگی رەمەزانەوە گوتی: "گەرمترین پیرۆزبایی ئاراستەی سەرجەم موسڵمانانی هەرێمی کوردستانی عێراق دەکەم. هیوادارم ئەم مانگە خێر، خۆشی، ئاشتی و ئارامی لەگەڵ خۆی بهێنێت. هەردوو شارستانییەتی ئیسلامی و چینی شارستانییەتی دێرنن و کاریگەریی گەورەی جیهانییان هەیە. ساڵانێکە، هەردوو شارستانییەتەکە چەندین دیالۆگ و ئاڵوگۆڕی هەمەچەشن لەنێوانیان بووە؛ شێوازێکی نموونەیی هەمەلایەنیان لە نێوان کولتوورە جیاوازەکاندا پێکهێناوە."

 

کۆنسووڵی گشتیی چین لە هەولێر دەڵێت: "چین هەمیشە رێزی لە ئازادیی بیر و باوەڕی پێکهاتە موسڵمانەکان گرتووە، ئەوەش بۆ دڵنیابوونەوە لە میرات و گەشەی تەندروستانەی ئیسلام. نزیکەی 30 ملیۆن موسڵمان لە چین هەن و نیوەیان لە هەرێمی شینجیانگ دەژین [لە رۆژئاوای چین]. دەیان ساڵە، حکومەتی چین پابەندی فەلسەفەی گەشەپێدانێک بووە کە سەرنج لەسەر خەڵک بێت، لە ئەنجامدا پێشکەوتنی هەمەلایەن و دەستکەوتی مێژوویی لە هەموو کەرتەکانی شینجیانگدا بەدەستهێناوە". 

 

لیو جیون لە پەیامە ڤیدیۆییەکەی گوتی: "دۆستە موسڵمانەکانمان لە هەرێمی کوردستان و موسڵمانانی چینیش بەبۆنەی رەمەزانێکی ئارام و بە بەرەکەت ئاهەنگ دەگێڕن. کۆنسووڵخانەی گشتیمان بەوپەڕی خۆشحاڵییەوە چاوەڕێی ئەوە دەکات، چالاکانە ئەزموونی رەمەزانی موسڵمانانی چین بەشبکات".

 

 

بەبۆنەی هاتنی مانگی رەمەزانی پیرۆزەوە، بەناوی کۆنسووڵخانەی گشتیی چین لە هەولێر، گەرمترین پیرۆزبایی ئاراستەی سەرجەم موسڵمانانی هەرێمی کوردستانی عێراق دەکەم. هیوادارم ئەم مانگە خێر، خۆشی، ئاشتی و ئارامی لەگەڵ خۆی بهێنێت. هەردوو شارستانییەتی ئیسلامی و چینی شارستانییەتی دێرنن و کاریگەریی گەورەی جیهانییان هەیە. ساڵانێکە، هەردوو شارستانییەتەکە چەندین دیالۆگ و ئاڵوگۆڕی هەمەچەشنیان لەنێوان بووە؛ شێوازێکی نموونەیی هەمەلایەنیان لە نێوان کولتوورە جیاوازەکان پێکهێناوە. هاوتەریبی یاسا، چین هەمیشە رێزی لە ئازادیی بیر و باوەڕی پێکهاتە موسڵمانەکان گرتووە، ئەوەش بۆ دڵنیابوونەوە لە میرات و گەشەی تەندرووستانەی ئیسلام. نزیکەی 30 ملیۆن موسڵمان لە چین هەن و نیوەیان لە هەرێمی شینجیانگ دەژین. دەیان ساڵە، حکومەتی چین پابەندی فەلسەفەی گەشەپێدانی گەشەپێدانێک بووە کە سەرنج لەسەر خەڵک بێت، لە ئەنجامدا پێشکەوتنی هەمەلایەن و دەستکەوتی مێژوویی لە هەموو کەرتەکانی شینجیانگدا بەدەستهێناوە. ئەم هەوڵانە خەڵکی هەرێمی شینجیانگیان بەهێزکردووە بۆ ئەوەی چێژ لە ژیانێکی ئارام و خۆشگوزەران وەربگرن. ئێستا، دۆستە موسڵمانەکانمان لە هەرێمی کوردستان و موسڵمانانی چینیش بەبۆنەی رەمەزانێکی ئارام و بە بەرەکەت ئاهەنگ دەگێڕن. کۆنسووڵخانەی گشتیمان بەوپەڕی خۆشحاڵییەوە چاوەڕێی ئەوە دەکات، چالاکانە ئەزموونی رەمەزانی موسڵمانانی چین بەشبکات. دووبارە، هیوای رەمەزانێکی خۆشتان بۆ دەخوازین، رەمەزانتان پیرۆز.