نەتەوە یەکگرتووەکان دەڵێ، خوێندن بە زمانی دایک هۆکارێکی سەرەکییە بۆ گشتگیری و فێربوونی ئاستبەرز؛ هەروەها دەبێتە هۆی باشترکردنی ئەنجامەکانی فێربوون و ئاستی زانستیی قوتابییان. ئەمە بەتایبەتی لە قۆناخی بنەڕەتیدا زۆر گرنگە بۆ رێگریکردن لە دروستبوونی کەلێنی زانیاری و زیادکردنی خێرایی فێربوون و تێگەیشتن.
دۆناڵد ترەمپ، سەرۆکی ئەمریکا رایدەگەیێنێت، پێشنیازە نوێیەکەی ئێرانی بینیوە و بەلایەوە قبووڵکراو نییە. هەروەها داوا دەکات لێبووردن بۆ بنیامین نەتەنیاهوو دەربچێت تاوەکو تەنیا سەرنجی لەسەر بەڕێوەبردنی جەنگ بێت.
ستیڤ ویتکۆف، نێردەی تایبەتی ئەمریکا رایگەیاند، واشنتن لەگەڵ تاران "لە گفتوگۆدایە." ئەمەش لە کاتێکدایە، گوتەبێژی وەزارەتی دەرەوەی ئێران دەڵێ، وڵاتەکەی خەریکی پێداچوونەوەیە بەو وەڵامەی کە ئەمریکا بۆ دوایین پێشنیازی ئاشتیی تاران ناردوویەتی.
رۆژی شەممە، 2ـی ئایاری 2026، بەرپرسێکی باڵای ئێران رایگەیاند، وڵاتەکەی پێشنیازێکی نوێی بۆ کردنەوەی هاتووچۆی کەشتیوانی لە تەنگەی هورمز و کۆتاییهێنان بە گەمارۆی ئەمریکا پێشکێش کردووە، بە مەرجێک دانوستاندنەکان لەسەر بەرنامە ئەتۆمییەکەی ئێران بۆ کاتێکی دیکە دوابخرێن، بەڵام دۆناڵد ترەمپ، سەرۆکی ئەمریکا تاوەکو ئێستا پێشنیازەکەی رەتکردووەتەوە.
بە گوێرەی پێنتاگۆن، واشنتن بە نیازە لە ماوەی ساڵێکدا 5 هەزار سەرباز لە ئەڵمانیا بکشێنێتەوە. ئەمەش هەنگاوێکە کە رۆژی شەممە بەرلین بە "چاوەڕوانکراو" ناوی برد و داوای لە ئەورووپا کرد ئاسایشی خۆی بەهێزتر بکات. لە هەمان کاتدا، هاوپەیمانیی باکووری ئەتڵەسی (ناتۆ) بۆ "روونکردنەوەی وردەکارییەکانی" بڕیارەکە، لەگەڵ واشنتن لەسەر هێڵە.
پاسەوانی کەناراوەکانی یەمەن رایگەیاند، کۆمەڵێک چەکداری نەناسراو دەستیان بەسەر کەشتییەکی نەوتهەڵگردا گرتووە لە کەناراوەکانی یەمەن لە (کەنداوی عەدەن) و بەرەو سۆماڵیان بردووە.
وەزارەتی بازرگانیی چین رایگەیاند، وڵاتەکەی پابەندی سزاکانی ئەمریکا نابێت کە بەهۆی کڕینی نەوتی ئێرانەوە، پێنج کۆمپانیای چینی کردووەتە ئامانج.
بەرپرسانی پێنتاگۆن دوای چەندین هەفتە بێدەنگی لەسەر تێچووی جەنگ دژی ئێران، یەکەمین خەمڵاندنی گشتییان بڵاوکردەوە: تاوەکو ئێستا 25 ملیار دۆلار خەرج کراوە. بەڵام تێچوویەک بەو قەبارەیە لە راستیدا بە چ واتایەک دێت؟
دۆناڵد ترەمپ، سەرۆکی ئەمریکا وردەکاریی نوێی پەیوەندییە تەلەفۆنییەکەی لەگەڵ ڤلادیمیر پووتین، سەرۆککۆماری رووسیا باسکرد و رایگەیاند، پووتین پێشنیازی کردووە وەک "لایەنی سێیەم" هاوکار بێت لە رێککەوتنی ئەتۆمی و وەرگرتنی ئەو یۆرانیۆمە پیتێندراوەی کە واشنتن داوا دەکات تاران رادەستی بکات. راشیگەیاند: "دەبێت ئێران خۆی بەدەستەوە بدات" و رێگە نادەن ببێتە خاوەنی چەکی ئەتۆمی.
تێدرۆس ئەدهانۆم گێبرێیسوس، بەڕێوەبەری گشتیی رێکخراوی تەندروستیی جیھانی (WHO) رۆژی چوارشەممە رایگەیاند، ویلایەتە یەکگرتووەکانی ئەمریکا تاوەکو ئێستا قەرزەکانی ئەندامێتیی خۆی نەداوە. ئاماژەی بەوەش کرد، مەرجی کشانەوەی واشنتن لە رێکخراوەکە پابەندە بە پێدانی ئەو شایستە داراییانە.
