لە کرماشان منداڵیکی 18 مانگ بەهۆی بڵاوبوونەوەی گاز گیانی لەدەستدا

 

 

مەسعود قەلعە سفیدی، بەرپرسی فریاکەوتنی زانکۆی پزیشکیی پارێزگای کرماشان رایگەیاند، بەهۆی بڵاوبوونەوەی گاز لەنێو ماڵێکی شاری کرماشاندا، منداڵێکی تەمەن 18 مانگ گیانی لەدەستداوە و کەسێکی خێزانەکەشی بەهۆی ژەهراویبوونەوە بۆ نەخۆشخانە گواستراوەتەوە.

 

بە گوتەی مەسعود قەلعە سفیدی، گازەکە یەکەم ئۆکسیدی کاربۆن بووە و هۆکاری رووداوەکەش بۆ کەمتەرخەمی و گرنگینەدان بە رێکارە خۆپارێزییەکان دەگەڕێنێتەوە.

 

بەپێی راپۆرتی فریاکەوتنی خێرای کرماشان کە 02-01-2024 بڵاوکرایەوە، لە ماوەی کەمتر لە 10 مانگدا لە پارێزگاکە، 16 کەس بەهۆی ژەهرایبوون بە گاز گیانیان لەدەستداوە و 80 کەسی دیکەش ژەهراوی بوون.

 

سەرئێشە، رشانەوە، کزبوونی چاو و خەواڵوویی لە نیشانەکانی ژەهرایبوونن بە گازەکانی یەمە ئۆکسیدی کاربۆن، دووەم ئۆکسیدی کاربۆن و گازی ماڵان.