مەسرور بارزانی: ئومێدەوارم یەکێتی وەک لایەنێکی گرنگ لە خەبات و تێکۆشان بەردەوامبێت

 

ئەمڕۆ یەکشەممە، 01-06-2025، 50 ساڵ بەسەر دامەزراندنی یەکێتیی نیشتمانیی کوردستاندا تێدەپەڕێت. 

 

مەسرور بارزانی، سەرۆکوەزیرانی هەرێمی کوردستان ئومێدەوارە "یەكێتیی وەك حزب و لایەنێكی گرنگی هەرێمی كوردستان، لە خەبات و تێكۆشانی خۆی لە پێناو داكۆكیكردن لە پرس و دەسكەوتە نیشتمانییەكان و قەوارەی دەستووریی هەرێمی كوردستان سەركەوتوو بێت."

 

سەرۆکوەزیرانی هەرێمی کوردستان لە پەیامەکەیدا، جەخت لە پێویستیی پێكهێنانی كابینەی نوێی حكومەتی هەرێمی كوردستان لە "زووترین كاتدا" دەكاتەوە، بۆ ئەوەی "درێژە بە كارنامە چاكسازییەكەی و خزمەتكردنی خەڵكی كوردستان بدات و رووبەڕووی ئاڵنگارییە هەرێمی و ناوچەییەكان ببێتەوە."

 

 

بە بۆنەی (50)یەمین ساڵیادی دامەزراندنی یەکێتیی نیشتمانیی کوردستان ، گەرمترین پیرۆزبایی ئاراستەی سەرۆک و سەرکردایەتیی و گشت ئەندام و لایەنگرانی یەکێتی دەکەم و هیوای سەرکەوتنیان بۆ دەخوازم.

 

ئومێدەوارم یەکێتیی وەک حزب و لایەنێکی گرنگی هەرێمی کوردستان ، لە خەبات و تێکۆشانی خۆی لە پێناو داکۆکیکردن لە پرس و دەسکەوتە نیشتمانییەکان و قەوارەی دەستووریی هەرێمی کوردستان سەرکەوتوو بێت.

 

لەم بۆنەیەدا،جەخت لە پێویستیی پێکهێنانی کابینەی نوێی حکومەتی هەرێمی کوردستان لە زووترین کاتدا دەکەینەوە، بۆ ئەوەی درێژە بە کارنامە چاکسازییەکەی و خزمەتکردنی خەڵکی کوردستان بدات و ڕووبەڕووی ئاڵنگارییە هەرێمی و ناوچەییەکان ببێتەوە .

 

مەسرور بارزانی

سەرۆکی حکومەتی هەرێمی کوردستان 

2025/6/1