قوباد تاڵەبانی لەناکاو سەردانی بانکی ناوەندیی سلێمانی دەکات
رووداو دیجیتاڵ
جێگری سەرۆکوەزیرانی هەرێمی کوردستان بە سەردانێکی "لەناکاو" دەچێتە بانکی ناوەندیی سلێمانی و دەڵێت، "ئەم سەردانە لەناکاوانە بەردەوام دەبن."
قوباد تاڵەبانی، جێگری سەرۆکوەزیرانی هەرێمی کوردستان دەڵێت، ئەمڕۆ "سەردانێکی لەناکاوی" بۆ بانکی ناوەندیی سلێمانی کردووە، لەبارەی مەبەستی سەردانەکەشی ئاماژەی بەوە کردووە، "بۆ لەنزیکەوە بەئاگابوون لە چۆنێتی بەڕێوەچوونی کاری بەڕێوەبەرایەتییەکە و ئاستی خزمەتگوزارییەکانە کە پێشکێش بە ھاووڵاتییان دەکرێت."
وەکو قوباد تاڵەبانی ئاماژەی پێکردووە، "ئەم سەردانە لەناکاوانەمان بەدەوام دەبن."