بە درۆن و مووشەک هێرشکرایە سەر کەمپی ئازادی لە کۆیە
رووداو دیجیتاڵ
قایمقامی کۆیە بە رووداوی رایگەیاند، بەیانی ئەمڕۆ بە سێ درۆن هێرشكراوەتە سەر کەمپی ئازادی لە کۆیە. زیاتر لە سەرچاوەیەکیش بە رووداوی راگەیاند، لە هێرشەکەدا مووشەکیش بەکارهاتووە.
تاریق حەیدەری، قایمقامی قەزای کۆیە بە تۆڕی میدیایی رووداوی گوت: "ئەمڕۆ سێشەممە بە سێ درۆن هێرشکراوەتەسەر کەمپی ئازادی لە سنووری قەزاکەمان".
کەمپی ئازادی تایبەتە بە کەسوکاری پێشمەرگەکانی حیزبی دیموکراتی کوردستانی ئێران. قایمقامی کۆیە گوتی: "بەهۆی هێرشەکەوە یەک کەس بریندار بووە، بەڵام تەندروستی باشە".