بارەگای سوپای پاسداران لە پاوەی رۆژهەڵاتی کوردستان بۆردوومان کرا
رووداو دیجیتاڵ
کەمێک پێش ئێستا لە هێرشێکی ئاسمانیدا، هێرش کرایە سەر بنکە و بارەگای سوپای پاسدارانی ئێران لە شاری پاوەی پارێزگای کرماشان.
بەرپرسانی ئێران، وێڕای پشتڕاستکردنەوەی ئەم هەواڵە، هیچ زانیارییەکیان لەسەر زەرەر و زیانەکانی بۆردوومانەکە رانەگەیاندووە.
بەپێی دیمەنی پاش بۆردوومانی بارەگای سەرەکیی سوپای پاسداران لە شاری پاوە، دووکەڵێکی چڕ ئاسمانی ناوچەکەی داپۆشیوە.
بە گوتەی شایەتحاڵان، بارەگای سەرەکیی سوپای پاسداران لەم هێرشەدا بە تەواوەتی خاپوور بووە.