لە سنە سێ ئۆتۆمبێل گڕیان گرت و کەسێک گیانی لەدەستدا

 

 

رووداوەکە ئێوارەی رۆژی پێنجشەممە 02-10-2025، لەسەر رێگەی سەقز - بۆکان لە پارێزگای سنە روویدا. بابەک هودائی، بەڕێوەبەری فریاکەوتنی خێرای پارێزگاکە دەڵێت، سێ ئۆتۆمبێلی تایبەت لە جۆرەکانی سەمەند، پیژۆ و پەیکان پێکیانداداوە.

 

لە رووداوەکەدا ئۆتۆمبێلێکان گڕیان گرتووە و بەگوتەی بابەک هودائی، یەکێک لە سەرنشینانی ئۆتۆمبێلەکانیش بەهۆی سەختیی برینەکانیەوە، دەستبەجێ گیانی لەدەستداوە.

 

هاوکات هەشت کەسی دیکە بریندار بوون کە دوای دەرهێنانەوەیان و وەرگرتنی چارەسەری سەرەتایی، رەوانەی نەخۆشخانەکانی بۆکان و سەقز کران.

 

بەگوێرەی دادپزیشکیی ئێران، لە 21-03-2024 تاوەکو 21-03-2025، لانیکەم 20 هەزار و 45 کەس لە رۆژهەڵاتی کوردستان و ئێران بە رووداوی هاتووچۆ گیانیان لەدەستداوە.