پەروەردەی رۆژهەڵاتی سلێمانی بۆ رووداو: گیانلەدەستدانی قوتابییەکە بەهۆی نەخۆشیی دڵەوە بووە

 

پێشتر، شاهۆ عوسمان، جێگری پارێزگاری سلێمانی رایگەیاند، "گیانلەدەستدانی لەوەند بەهۆی گازی سۆپاوە نەبووە و بەهۆی نەخۆشییەوە بووە."

 

جێگری پارێزگاری سلێمانی دەشڵێت، "دەستبەجێ لەگەڵ بیستنی ئەم هەواڵە لایەنە پەیوەندیدارەکانمان راسپارد کە بە زووترین کات لێکۆڵینەوە ئەنجام بدەن و پشت بە راپۆرتی پزیشکی ببەستن."

 

کاروان عەلی، باوکی منداڵەکە رایگەیاند، کوڕەکەیان هیچ نەخۆشییەکی نەبووە و رەتیکردەوە بەهۆی گازی سۆپاوە گیانی لەدەستدابێت؛ "خوا هێناویەتی و خوا بردییەوە." 

 

منداڵەکە ناوی لەوەندە، لە پۆلی شەشەمی بنەڕەتییە و تەمەنی 12 ساڵە. باوکی منداڵەکە بە رووداوی راگەیاند، بەیانی خۆی نان و چای بە منداڵەکەی داوە و گۆڕیویەتی و بردوویەتیە قوتابخانە، دواتر لە نەخۆشخانەیەکەوە تەلەفۆنی بۆ کراوە کە سەردانیان بکەن، کاتێک چووەتە ئەوێ زانیویەتی کوڕەکەی گیانی لەدەستداوە. لەبارەی هۆکاری گیانلەدەستدانی کوڕەکەشیەوە گوتی، چاوەڕێی راپۆرتی داد پزیشکیی سلێمانییە.