بەنزینی 750 دیناری لە هەولێر دابەش دەکرێ و ژمارەی بەنزینخانەکان زیاد دەکرێ

 

سالار محەممەد، لێپرسراوی پشکنین لە بەڕێوەبەرایەتی نەوت و کانزاکانی هەولێر، ئەمڕۆ شەممە بە تۆڕی میدیایی رووداوی گوت: "ئەمڕۆ بەنزینی 750 دیناری لە 25 بەنزینخانەی هەولێر و دەوربەری دابەش دەکرێ".

 

دوای دەستپێکردنی جەنگی ئەمریکا و ئیسرائیل لەگەڵ ئێران لە 28ـی شوبات، دابەشکردنی بەنزینی حکومی لە هەولێر راگیرا، تەنیا دوو رۆژ دابەشکرا ئەویش لە نزیکەی 10 بەنزینخانە.

 

سالار محەممەد گوتی: "دابەشکردنی بەنزینی حکومی ئەم جارە بەردەوام دەبێ و هەوڵ دەدرێ ژمارەی بەنزینخانەکان زیاد بکرێ".

 

دابەشكردنی بەنزینی حکومی لەکاتێکدایە، نرخی بەنزینی نۆرماڵ لە هەرێمی کوردستان بەرزبووەتەوە و لیتری لەنێوان 950 بۆ هەزار دیناردایە.