لە ئێلهی باکووری کوردستان ژنێک بە موختاری گەڕەک هەڵبژێردرا
روداو - ئێلهـ
لە ئێلهی باکووری کوردستان ژنێک بە موختاری گەڕەک هەڵبژێردرا و لە سەرجەم ئەو پیاوانەی بردەوە، کە رکابەرییان دەکرد.
فاتیمە تورکان ژنێکی کوردە لە ئێلهی باکووری کوردستان و رکابەریی حەوت پیاوی کردووە بۆ بوون بە موختاری گەڕەک و لێی بردوونەتەوە.
فاتیمە تورکان، دایکی شەش منداڵە و دەڵێ بە پاڵپشتی هاوژینەکەی توانیویەتی لە هەڵبژاردنەکەدا بیباتەوە. خەڵکی گەڕەکەکەیشی دەڵێن، فاتیمە بەردەوام لە خۆشی و ناخۆشیدا لەگەڵیاندا بووە بۆیە دەنگیان پێ داوە.