لە کەمتر لە کاژێرێکدا 7 درۆن لە ئاسمانی هەولێر تێکشکێندران

 

 

شەوی یەکشەممە، 05ـی نیسانی 2026، لە کەمتر کاژێرێکدا حەوت درۆن ئاراستەی ئاسمانی هەولێر کران و سەرجەمیان تێکشکێندران.

 

بەپێی زانیارییەکانی رووداو، هێرشەکان لە نێوان کاژێر لە كاژێر 10:20 ی ئەمشەو بۆ كاژێر 11:00 بوون.

 

هەر بەگوێرەی زانیارییەکان، درۆنەکان لەلایەن سیستمی بەرگرییەوە تێکشکێندراون و هیچ زیانێکیان نەبووە.

 

 ئەمە لەکاتێکدایە هەر ئەمشەو بە دوو درۆنی دیکە هێرشکرایە سەر کەمپی ئازادی لە قەزای کۆیە.

 

بەگوێرەی ئامارەکانی تۆڕی میدیایی رووداو، لە سەرەتای دەستپێکی جەنگی نێوان ئەمریکا و ئیسرائیل لەگەڵ ئێران لە 28ـی شوباتەوە، هەرێمی کوردستان بە 659 درۆن و مووشەک هێرشی کراوەتەسەر.