دوو سەرچاوەی ئەمنی بە رووداویان راگەیاند، شەوی رابردوو هونەر رەشید ئاغا لە شاری هەولێر دەستگیرکراوە.

بەڕێوەبەری بەرگریی شارستانیی سۆران راگەیاند، ئەمڕۆ دوو پارچەی ئەو ئۆتۆمبێلەیان دۆزیوەتەوە کە رۆژی هەینی بە 5 سەرنشینەوە کەوتە ناو رووباری گەلی عەلی بەگ.

دانیشتنێکی دیکەی دادگاییکردنی لاهوور شێخ جەنگی و براکانی و ژمارەیەک لە هاوڕێکانی بەڕێوەچوو. یەکێک لە پارێزەرەکانی لاهوور شێخ جەنگی گوتی: "دادوەر بڕیاریدا دانیشتنی داهاتوو بۆ رۆژی 14-5-2026 دوابخات".

رێکخەری راسپاردە نێودەوڵەتییەکانی حکومەتی هەرێمی کوردستان لە هەڤپەیڤینێکدا لەگەڵ رووداو، دوایین ئامارەکانی پەیوەست بە کەیسەکانی دادگا، بازرگانیکردن بە مرۆڤ، مادەی هۆشبەر و دۆسیەی تیرۆر ئاشکرا دەکات. دیندار زێباری دەڵێ، تەنیا لە ساڵێکدا زیاتر لە 9 هەزار کەیس لە دادگاکانی پێداچوونەوە یەکلایی کراونەتەوە

ئەنجوومەنی وەزیرانی عێراق پشکی وەرگرتنی گەنمی جووتیارانی هەرێمی کوردستانی بۆ وەرزی داهاتوو بە 400 هەزار تۆن جێگیر کرد. بەپێی بەڕێوەبەرایەتییەکانی کشتوکاڵ لە پارێزگا و ئیدارە سەربەخۆکان، گەنمی ئەم ساڵ نزیکەی 2 ملیۆن تۆن دەبێت و بەو جۆرەش بەغدا بڕێکی زۆری وەرناگرێ

بەڕێوەبەرایەتیی هاتووچۆی هەولێر بڕیارێکی بۆ رۆژانی پێنجشەممە و هەینی دەرکرد و تێیدا هاتووچۆی بارهەڵگر و مۆتۆڕسکیلی لەو رێگەیانەی بە ناوچە گەشتیارییەکاندا تێدەپەڕن، قەدەخە کرد.

بەڕێوەبەری گشتیی کارەبای دهۆک بەوەکالەت دەڵێ، لە سەرەتای دەستبەکاربوونییەوە توانیویانە کێشەی تەکنیکی و تێکەڵبوونی پێوەری کارەبای زیاتر لە سێ هەزار و 100 ماڵ چارەسەر بکەن.

بەڕێوەبەری بەرگریی شارستانیی سۆران دەڵێت، تەرمی یەکێک لە منداڵەکانی نێو ئاوی گەلی عەلی بەگ دزۆرایەوە و گەڕان بەدوای دوو منداڵەکەی دیکە بەردەوامە.

لە سنووری قەزای چەمچەماڵ، گەنجێکی تەمەن 32 ساڵ لەنێو ئۆتۆمبێلەکەیدا کوژرا، قایمقامی قەزاکەش دەڵێت، هۆکارەکەی کێشەیەکی کۆمەڵایەتی بووە و لێکۆڵینەوە لە رووداوەکە دەستیپێکردووە

بەڕێوەبەری گشتیی بەرەنگاربوونەوەی تووندوتیژی دژی ئافرەتان و خێزان رایدەگەیێنێت، تووندوتیژیی ئەلیکترۆنی لە هەرێمی کوردستان بە شێوەیەکی مەترسیدار زیادی کردووە و دەڵێت، تەنیا لە ساڵی 2025دا زیاتر لە 14 هەزار سکاڵای تووندوتیژیی خێزانیتۆمارکراون

#SUMMARY#