نێچیرڤان بارزانی لەبارەی کێشەکانی هەولێر و بەغدا: ههرێمى كوردستان ههميشه ئامادهى چارهسهرييه
رووداو دیجیتاڵ
سەرۆکی هەرێمی کوردستان و راوێژکاری سەرۆکی فەرەنسا بۆ کاروباری رۆژهەڵاتی نێوەڕاست و باکووری ئەفریقا کۆبوونەوە و لەبارەی سەردانە چاوەڕوانکراوەکەی ئیمانوێل ماکرۆن بۆ عێراق بیروڕایان گۆڕییەوە. نێچیرڤان بارزانی لەبارەی کێشەکانی هەولێر و بەغدا رایگەیاند، هەرێمی کوردستان بەپێی دەستوور و سیستمی فیدراڵی هەمیشە ئامادەی چارەسەرییە.
شهوى چوارشهممه 04-10-2023 نێچيرڤان بارزانى، سهرۆكى ههرێمى كوردستان پێشوازیى له پاتریک دورێل، راوێژکاری سهرۆكى فهرهنسا بۆ کاروباری رۆژهەڵاتی نێوەڕاست و باکووری ئەفريقا کرد.
بەپێی راگەیێندراوی سەرۆکایەتیی هەرێمی کوردستان، هەردوولا دهربارەى بهرنامهى سهردانى چاوهڕوانكراوى ئيمانوێل ماكرۆن، سهرۆكى فهرهنسا بۆ عێراق، پهيوهندييهكانى فهرهنسا لهگهڵ عێراق و ههرێمى كوردستان و دۆخى ناوخۆى ههرێمى كوردستان، بيروڕايان گۆڕيوەتەوە.
وەکو لە راگەیێندراوەکەدا خراوەتەڕوو، ههردوولا جهختيان له گرنگيى پهيوهندييهكانى فهرهنسا لهگهڵ عێراق و ههرێمى كوردستان كردهوه و ئاماژهيان به رۆڵ و بهشداريى كاراى فهرهنسا له هاوپهيمانيى نێودهوڵهتيى دژى داعشدا كرد، ههروهها لەبارەی بايهخ و پێويستيى پشتگيريى فهرهنسا له عێراق لهم قۆناخهدا، هاوڕا بوون.
دهربارهى دۆخى ناوخۆى ههرێمى كوردستانيش، سەرۆکی هەرێمی کوردستان و راوێژکارەکەی سەرۆکی فەرەنسا داكۆكييان له گرنگيى تهبايى و يهكڕيزيى لايهنه سياسييهكان له ههرێمى كوردستان و يهكدهنگى و يهكههڵوێستييان له بهغدا كردهوه، باسيشیان له پهيوهندييهكانى ههولێر ـ بهغدا و گفتوگۆى چارهسهركردنى كێشهكانيان كرد.
نێچيرڤان بارزانى سوپاس و پێزانينى بۆ رۆڵى ئیمانوێل ماكرۆن و پشتگيريى فهرهنسا له عێراق و ههرێمى كوردستان دهربڕى، دهربارهى كێشهكانيش لهگهڵ بهغدا دووپاتى كردهوه كه "ههرێمى كوردستان بهپێى دهستوور و سيستمى فيدراڵى، ههميشه ئامادهى چارهسهرييه."
دۆخى ئاواره و پهنابهران و پێكهاتهكان له ههرێمى كوردستان، پهيوهندييهكانى عێراق و ههرێمى كوردستان لهگهڵ وڵاتانى دراوسێ و ناوچهكه، دوايين پێشهاتهكانى شهڕى دژى داعش له عێراق و سووريا، دۆخى ناوچهكه بهگشتى و چهند پرسێكى ديكهى جێى بايهخى هاوبهش، تهوهرێكى ديكهى ديدارهكه بوو.