دادگەییکردنی شاسوار عەبدولواحید دواخرا

 

بەرپرسێکی باڵا لە جووڵانەوەی نەوەی نوێ بە تۆڕی میدیایی رووداوی گوت: "لە دۆسیەکەدا یەک سکاڵاکار هەبوو، بەبێ هەبوونی بەڵگەی یاسایی و شایەت".

 

دادوەری دادگەی سلێمانی دانیشتنەکەی شاسوار عەبدولواحید، سەرۆکی جووڵانەوەی نەوەی نوێی بۆ 03-11-2025 دواخست.

 

لەسەر هەمان دۆسیە، یەکشەممەی رابردوو 28ـی ئەیلوول، سەرۆکی جووڵانەوەی نەوەی نوێ برابووە دادگە.

 

لە مادەکەدا هاتووە، ئەگەر تۆمەتبار تۆمەتەکەی بەسەردا ساخبێتەوە، "سزادەدرێت بە حەپسکردن کەمتر نەبێت لە 6 مانگ و زیاتر نەبێت لە پێنج ساڵ و بە پێبژاردن کەمتر نەبێت لە یەک ملیۆن دینار و زیاترنەبێت لە پێنج ملیۆن دینار یان بە یەکێک لەم دوو سزایە".

 

شاسوار عەبدولواحید، یەکەم جار لە 12-08-2025 کاژێر 10:00ـی شەو لە ماڵەکەی خۆی لە شاری سلێمانی دەستگیرکرا، لە دانیشتنی سێیەمی دادگەدا رۆژی 02ـی ئەیلوول بە پێنج مانگ بەندکردن سزادرا.