وەزارەتی کارەبا: گرفتی پچڕانی کارەبا چارەسەر بوو

 

لە پارێزگاکانی هەولێر، دهۆک و سلێمانی، کاژێر 12:00ی شەو کارەبا لە چەند ناوچەیەک پچڕا. دوای کاژێرێک لە پچڕانی کارەبا، وەزارەتی کارەبا راگەیێندراوێکی بڵاوکردەوە.

 

بەگوێرەی وەزارەتەکە، "ئێستا دۆخەکە لەژێر کۆنترۆڵدایە و تیمەکانی وەزارەتی کارەبا لە ماوەی کاتژمێرێک گرفتەکان چارەسەر دەکەن".

 

دەقی راگەیێندراوی وەزارەتی کارەبا:

 

بەهۆی کێشەیەکی تەکنیکی لە تۆڕی کارەبادا، ئەمشەو کاتژمێر 12، گرفتی پچڕانی کارەبا لە بەشێک لە پارێزگاکانی هەولێر و دهۆک و سلێمانی درووست بوو.

 

ئێستا دۆخەکە لەژێر کۆنترۆڵدایە و تیمەکانی وەزارەتی کارەبا لە ماوەی کاتژمێرێک گرفتەکان چارەسەر دەکەن.