کۆبوونەوەی ئەنجوومەنی وەزیران دواخرا

 

بەپێی کارنامەی کۆبوونەوەی ئاسایی ئەنجوومەنی وەزیرانی هەرێمی کوردستان، بڕیار بوو ئەمڕۆ، 7ی ئایاری 2024 کاژێر 10:00 ئەنجوومەنەکە بە سەرپەرشتیی مەسرور بارزانی، سەرۆکوەزیران و ئامادەبوونی قوباد تاڵەبانی، جێگری سەرۆکوەزیران کۆببێتەوە.

 

ئەمڕۆ چوارشەممە، کوێستان محەممەد، وەزیری کار و کاروباری کۆمەڵایەتی بە رووداوی راگەیاند، ئاگادارکراونەتەوە کە ئەمڕۆ کۆبوونەوەکە ناکرێت.

 

وەزیرێکی دیکەی حکومەتی هەرێمی کوردستان بە رووداوی راگەیاند: "کۆبوونەوەکە دواخرا، هۆکارەکەشی نادیارە، بەڵام زۆر جار بەهۆی ئەوەی کارێک دێتە پێشەوە کۆبوونەوەکان دوادەخرێن، بە ئەگەرێکی زۆرەوە هەفتەی داهاتوو دەکرێت".

 

لە کۆبوونەوەکەی ئەمڕۆی ئەنجوومەنی وەزیران، بڕیاربوو بابەتەکانی دواکەوتنی مووچە، پڕۆژەی رووناکی و راسپاردنی وەزارەتەکان و لایەنەکان بۆ هاوئاهەنگی و هاریکاریی دەستەی وردبینی هەردوو دیوانی چاودێریی دارایی فیدراڵ و هەرێمی کوردستان تاوتوێ بکرێن.