لە رووداوێکی هاتووچۆدا لە کرماشان چوار کەس گیانیان لەدەستدا

 

رووداوەکە ئێوارەی رۆژی هەینی لە نزیک شاری قەسری شیرین روویدا و بەگوتەی سیروس فەلاحی، بەڕێوەبەری پۆلیسی رێگەوبانی قەسری شیرین، بەهۆی پێکدادانی دوو ئۆتۆمبێلەوە بووە.

  

بەپێی زانیارییەکانی پۆلیسی رێگەوبان، هۆکاری رووداوەکە تیژڕۆیی یەکێک لە ئۆتۆمبێلەکان بووە.

 

بەگوێرەی راپۆرتی دادپزیشکیی ئێران، لە 21-03-2024ـەوە تاوەکو 21-10-2024، 11 هەزار و 873 کەس لە ئێران و رۆژهەڵاتی کوردستان بە رووداوی هاتووچۆ گیانیان لەدەستداوە و 238 هەزار و 384 کەسیش بریندار بوون.