کەشناسی: سبەی باران دەبارێت

 

کەشناسیی هەرێمی کوردستان لە راگەیێندراوێکدا رایگەیاند، ئەمڕۆ هەینی لە ناوچە جیاکان نمەباران دەبارێت؛ خێرای با لەسەرخۆ و مامناوەند دەبێت و بەراورد بە دوێنێ پلەی گەرما یەک بۆ دوو پلە دادەبەزێت.

 

لەبارەی کەشوهەوای سبەیەوە کەشناسیی دەڵێت، "ئاسمان هەور دەبێت و بەگشتی ئەگەری نمەباران هەیە. لە سنووری پارێزگای دهۆک و ناوچە شاخاوییەکان مامناوەند و تاوە باران دەبارێت."

 

محەممەد کەمال، شارەزای کەشناسیی رۆژی هەینی بە تۆڕی میدیایی رووداوی گوت، سبەی شەپۆلێکی باران هەرێمی کوردستان دەگرێتەوە و دوو رۆژ بەردەوام دەبێت. لە سنووری پارێزگاکانی هەولێر و دهۆک و ئیدارە سەربەخۆکانی راپەڕین، زاخۆ و سۆران بارانی "مامناوەند و باش" دەبارێت.

 

بە گوێرەی پێشبینییەکانی ئەو کەشناسە، بارانبارینی شەممە و یەکشەممە سنووری پارێزگاکانی سلێمانی، هەڵەبجە، کەرکووک و ئیداره‌ی گه‌رمیانیش دەگرێتەوە، بەڵام بەراورد بە ناوچەکانی دیکە بارانی کەمتری لێ دەبارێت و ئێوارەی یەکشەممە بە تەواوی کاریگەریی شەپۆلەکە نامێنێت.

 

 

هەولێر: 17 پلەی سیلیزی

سلێمانی: 16 پلەی سیلیزی

دهۆک: 15 پلەی سیلیزی

زاخۆ: 15 پلەی سیلیزی

هەڵەبجە: 17 پلەی سیلیزی

کەرکووک: 19 پلەی سیلیزی

سۆران: 13 پلەی سیلیزی

حاجی ئۆمەران: 5 پلەی سیلیزی

گەرمیان: 20 پلەی سیلیزی