مووچەی لیوا هاوبەشەکان دابەش دەکرێت

 

بەگوێرەی زانیارییەکانی تۆڕی میدیایی رووداو کە ئەمڕۆ شەممە 8ـی تەمموزی 2023 لە هەردوو وەزارەتەکانی پێشمەرگە و دارایی هەرێمی کوردستان وەریگرتوون، بڕیارە سبەی یەکشەممە 8ـی تەمموزی 2023، مووچەی لیوا هاوبەشەکانی وەزارەتی پێشمەرگە دابەشبکرێت.

 

زیاتر لە 35 هەزار پێشمەرگە لە ژێر چەتری لیوا هاوبەشەکانی وەزارەتی پێشمەرگەدان و هاوپەیمانانیش جەخت لە پێویستیی یەکخستنەوەی تەواوی هێزەکانی پێشمەرگە دەکەنەوە. 

 

جگە لە لیوا هاوبەشەکان، هێزی دیکەی پێشمەرگە لە هەرێمی کوردستان هەن؛ دیارترینیان هێزەکانی 80ـی پارتی دیموکراتی کوردستان و 70ـی یەکێتی نیشتمانی کوردستانن.

 

ئەمریکا مانگانە نزیکەی 22 ملیۆن دۆلار بۆ هاوکاریی مووچەی لیوا هابەشەکان تەرخان دەکات.

 

تاوەکو ئەمڕۆ کاتی دابەشکردنی مووچەی مانگی رابردووی مووچەخۆرانی هەرێمی کوردستان دیار نییە و حکومەتی هەرێمی کوردستان چاوەڕێی ناردنی بەشە بودجەی هەرێمی کوردستانە بۆ پێدانی مووچە.