سەرۆک بارزانی پیرۆزبایی 47 ساڵەی دامەزراندنی حیزبی سۆسیالیست دیموکراتی کوردستان دەکات

 

ئەمڕۆ سێشەممە، 08-08-2023، یادی 47 ساڵەی دامەزراندنی حیزبی سۆسیالیست دیموکراتی کوردستانە. سەرۆک بارزانی بەم بۆنەیەوە پیرۆزبایی لە محەممەد حاجی مەحموود، سکرتێری حیزبەکە، ئەندامانی مەكتەبی سیاسی، سەركردایەتی و سەرجەم ئەندام و لایەنگرانی حیزبی سۆسیالیست دیموكراتی كوردستان کرد.

 

سەرۆک بارزانی لە پەیامەکەیدا رایگەیاند، "لەو یادەدا پێزانینم بۆ خەبات و قوربانیدانی ئێوە و حیزبەكەتان لە بزووتنەوەی رزگاریخوازی كوردستاندا هەیە و هیوای سەركەوتن و بەردەوامیتان بۆ دەخوازم." 

 

سەرۆک بارزانی دەشڵێت، "هیوادارم بە هیممەتی گشت لایەک كار بۆ پاراستنی دەستكەوتەكانی گەلی كوردستان بكرێت و كوردستان بەسەر كۆسپ و تەحەددیاتەكاندا سەربكەوێت."

 

 

 

برای بەڕێز كاک محەممەد حاجی مەحموود، سەرۆكی حیزبی سۆسیالیست دیموكراتی كوردستان

 

بە بۆنەی 47مین ساڵیادی دامەزراندنی حیزبی سۆسیالیست دیموكراتی كوردستان، گەرمترین پیرۆزبایی خۆم ئاراستەی بەڕێزتان و ئەندامانی مەكتەبی سیاسی و سەركردایەتی و سەرجەم ئەندام و لایەنگرانی حیزبی سۆسیالیست دیموكراتی كوردستان دەكەم.

 

لەو یادەدا پێزانینم بۆ خەبات و قوربانیدانی ئێوە و حیزبەكەتان لە بزووتنەوەی رزگاریخوازی كوردستاندا هەیە و هیوای سەركەوتن و بەردەوامیتان بۆ دەخوازم. هیوادارم بە هیممەتی گشت لایەک كار بۆ پاراستنی دەستكەوتەكانی گەلی كوردستان بكرێت و كوردستان بەسەر كۆسپ و تەحەددیاتەكاندا سەربكەوێت.

 

مسعود بارزانی

8ی ئابی 2023