کەشناسی: ئەمڕۆ باران و بەفر دەبارێت

 

 

لە راگەیێندراوەکەدا کەشناسیی هەرێمی کوردستان رایگەیاندووە: "ئەمڕۆ بارانبارین لە باکوور و باکووری رۆژئاوای هەرێمی کوردستانەوە دەستپێدەکات پاشان لە کاتەکانی دوایی نیوەڕۆدا لە زۆربەی ناوچەکان باران دەبارێت، هەندێک کات لە هەندێک ناوچە لێزمەباران دەبارێت. هەروەها لە ناوچە سنوورییەکان و ناوچە شاخاوییە بەرزەکان بەفر بەفر دەبارێت".

 

کەشناسیی هەرێمی کوردستان رایگەیاندووە: "سبەی سارد دەبێت؛ نمەباران و بارانی مامناوەند بە پچڕ پچڕی لە زۆربەی ناوچەکان دەبارێت. لە ناوچە سنورییەکان بەفر دەبارێت".

 

محەممەد کەمال، شارەزای کەشناسیی ئەمڕۆ هەینی بە رووداوی گوت: "شەپۆلەکە ئێستا لە زاخۆوە دەستیپێکردووە، دوای نیوەڕۆ سۆران و سنووری هەولێر دەگرێتەوە و دواتر دەگاتە کەرکووک، سلێمانی، هەڵەبجە و گەرمیان، بەگشتی سەرتاسەری دەبێت لە کاتی جیادا".

 

ئەو کەشناسە گوتی: "شەپۆلەکە دوای نیوەڕۆی سبەی کۆتایی دێت و دۆخەکە ئاسایی دەبێتەوە، بەڵام پلەی گەرما لە نزیمیدا دەبێت".

 

 

- هەولێر؛ 13 پلەی سیلیزی

- سلێمانی؛ 10 پلەی سیلیزی

- دهۆک؛ 11 پلەی سیلیزی

- هەڵەبجە؛ 10 پلەی سیلیزی

- کەرکووک؛ 14 پلەی سیلیزی

- زاخۆ؛ 10 پلەی سیلیزی 

- پیرمام؛ 9 پلەی سیلیزی

- سۆران؛ 5  پلەی سیلیزی 

- حاجی ئۆمەران؛ 2 پلەی سیلیزی 

- چەمچەماڵ؛ 13 پلەی سیلیزی

- گەرمیان؛ 16 پلەی سیلیزی