سەرۆکوەزیرانی هەرێمی کوردستان سەردانی تورکیا دەکات

 

حکومەتی هەرێمی کوردستان دەڵێت، مەسرور بارزانی ئەمڕۆ دەچێتە تورکیا و لە کۆشکی دۆڵمە باخچە لە شاری ئیستەنبووڵ، لەگەڵ رەجەب تەیب ئەردۆغان، سەرۆککۆماری تورکیا و وەزیری دەرەوە هاکان فیدان و ژمارەیەکی دیکە لە بەرپرسانی باڵای ئەو وڵاتە کۆدەبێتەوە.

 

بەگوێرەی راگەیێندراوی حکومەتی هەرێمی کوردستان، لە کۆبوونەوەکاندا، جیا لە گفتوگۆکردن لەبارەی پەرەپێدانی پەیوەندیی دوولایەنە، دوایین گۆڕانکاریی و پێشهاتەکانی بارودۆخی گشتی عێراق و ناوچەکە تاوتوێ دەکرێت.

 

 

- کاژێر 10:30 یان 11:00 لەگەڵ وەزیری دەرەوە کۆدەبێتەوە. 

 

- کاژێر 14:00 لەگەڵ رەجەب تەیب ئەردۆغان لە کۆشکی دۆڵمەباخچە کۆدەبێتەوە. 

 

- دوای ئەوە لەگەڵ وەزیری وزەی تورکیا کۆدەبێتەوە.