تەرمێک لەنێو ئۆتۆمبێلێک لە سلێمانی دۆزرایەوە

سامان نادر، بەڕێوەبەری فریاکەوتنی خێرای سلێمانی بە تۆڕی میدیایی رووداوی گوت: "تەرمەکە لە ئۆتۆمبێلێکی ژمارە بەغدا دۆزراوەتەوە".

 

بەڕێوەبەری فریاکەوتنی خێرای سلێمانی ئاماژەی بەوەشکرد، "تیمەکانیان چوونەتە شوێنی رووداوەکە و پێدەچێت کەسەکە دوو بۆ سێ رۆژ لەمەوبەر گیانی لەدەستدابێت".

 

سەركەوت ئەحمەد، گوتەبێژی پۆلیسی سلێمانی بە رووداوی گوت: "پیاوێکی بە رەگەز عەرەب، کە تەمەنی سەروو 40 ساڵانە، شەوی رابردوو بەهۆی زۆر خواردنەوەی مادەی کحولییەوە، جەڵتە لێیداوە و گیانی لەدەستداوە."

 

بە گوتەی ئەو گوتەبێژەی پۆلیس ئۆتۆمبێلی پیاوەکە لە جۆری باجیرۆ بووە.

 

پۆلیس چوونەتە شوێنی رووداوەکە و لێکۆڵینەوەیان دەستپێکردووە.