رەوان بارزانی: پێشمەرگە بە دەنگدان بەرگری دەکەن
رووداو دیجیتاڵ
فەرماندەی لەشکری تایبەتی هەڵۆ رایگەیاند، ''پێشمەرگە بە دەنگدان بۆ مافەکانی خۆیان بەرگری دەکەن و پرۆسەی دەنگدانی تایبەتیش زۆر بە هێمنی و بە باشی بەڕێوەدەچێت.''
رەوان بارزانی، فەرماندەی لەشکری تایبەتی هەڵۆ، دوای ئەوەی لە بنکەی دەنگدانی کەرنەڤاڵ لە هەولێر بەشداریی لە دەنگدانی تایبەت کرد، لە لێدوانێکدا بۆ رۆژنامەڤانان ئاماژەی بەوە کرد، ''پێشمەرگە هەروەکو چۆن هەمیشە بەرگریی لە خاکی کوردستان کردووە، ئەمڕۆش بە دەنگدان بۆ مافەکانی خۆیان، بەرگری دەکەن.''