وەزیری دادی عێراق لە کەرکووکەوە داوای لە دەنگدەرانی کورد کرد بچنە سەر سندووقەکانی دەنگدان و رایگەیاند، "رێگە نادەین جارێکی دیکە کەسانی وەکو راکان جبووری لە کەرکووک دەسەڵات بگرنەوە دەست و کورد پەراوێز بخەن."

کۆمیسیۆنی باڵای سەربەخۆی هەڵبژاردنەکانی عێراق رێژەی بەشداریی لە دەنگدانی گشتیی تاوەکو نیوەڕۆ بڵاوکردەوە.

لە کەرکووک رێژەی بەشداریی کورد لە دەنگدان کەمە و عەرەبیش بە چڕی بەشداری دەکەن، بەرپرسانی کورد هۆشداری دەدەن لەوەی ئەگەر کورد بۆ دەنگدان نەگەڕێنەوە ناوچەکانیان، کورسی لەدەست دەدەن

سەرۆکوەزیرانی عێراق رایگەیاند: ''هەڵبژاردن لە دۆخێکی سەقامگیر و ئازادانە بەڕێوەدەچێت و رژدبووین لەسەر بەشداریی چاودێرە نێودەوڵەتییەکان بۆ دڵنیابوونەوە لە بێگەردی پرۆسەکە.''

عەممار حەکیم، سەرۆکی رەوتی حیکمە دوای دەنگدانی لە هۆتێل رەشیدی بەغدا رایگەیاند: ''ئەمڕۆ رۆژێکی مێژوویی و چارەنووسسازە بۆ عێراق و ئەم هەڵبژاردنە سەقامگیرییەکی بەردەوام بۆ عێراق دەهێنێت.''

شێروان زرار، شارەزای هەڵبژاردن و راپرسی لەکاتی بەشداریکردنی لە رووماڵی تایبەتی تۆڕی میدیایی رووداو بۆ هەڵبژاردن، رایگەیاند: "رێکاری نوێی کۆمیسیۆن بۆ ناسینەوەی رووخسار، چارەسەری کێشەی نەخوێندنەوەی پەنجەمۆر دەکات و هەنگاوێکی زۆر باشە کە جێبەجێ دەکرێت.''

پارێزگاری هەڵەبجە بە رووداوی راگەیاند: ''دەنگدانی تایبەت زۆر بە باشی و بەخێرایی بەڕێوەدەچێت، هیچ گرفتێک رووی نەداوە."

فەرماندەی میحوەری 6ـی پێشمەرگە دوای ئەوەی دەنگی دا رایگەیاند: ''چاومان لەوەیە کورد بە هێزەوە بگەڕێتەوە بۆ بەغدا و دەستوور جێبەجێ بکرێت، دەنگدانیش گرنگترین پرۆسەیە کە خەڵکی کوردستان تێیدا بەشدار بن بۆ بەدەستهێنانی مافەکانی خۆیان."

فەرماندەی لەشکری تایبەتی هەڵۆ رایگەیاند، ''پێشمەرگە بە دەنگدان بۆ مافەکانی خۆیان بەرگری دەکەن و پرۆسەی دەنگدانی تایبەتیش زۆر بە هێمنی و بە باشی بەڕێوەدەچێت.''

مەنسور بارزانی، فەرماندەی لەشکری تایبەتی یەک و گوڵان لە بنکەیەکی دهۆک دەنگی دا و رایگەیاند، "داوا دەکەم رۆژی 11ی 11ش خەڵک بچنە سەر سندووقەکان و دەنگ بدەن".

پارێزگاری کەرکووک و بەربژێری یەکێتی بۆ هەڵبژاردنی ئەنجوومەنی نوێنەرانی عێراق بە رووداوی راگەیاند: ''چیدیکە کەرکووک بێناز نییە و ئومێدمان بۆ خەڵکی شارەکە گەڕاندووەتەوە، ئەگەر بەمشێوەیەش بەردەوامبین کەرکووک زۆر لە هەولێر و سلێمانی جوانتر دەبێت".

بۆ هەڵبژاردنی پەرلەمانی عێراق پارتی دیموکراتی کوردستان زۆرترین بەربژێر و کۆمەڵی دادگەریی ئیسلامیی کوردستان کەمترین بەربژێریریان هەیە، پارتی و یەکێتی لە هەندێک ناوچەی کوردستانی لیستیان نییە، بەڵکو بەربژێریان لە نێو لیستە عەرەبییەکاندا هەیە.

نێچیرڤان بارزانی، سەرۆکی هەرێمی کوردستان و جێگری سەرۆکی پارتی دیموکراتی کوردستان، لە بانگەشەی حیزبەکەیدا بۆ بازنەی نەینەوا گوتارێکی پێشکێش کرد و رایگەیاند، قۆناخی داهاتوو، قۆناخی جێبەجێکردنی دەستوورە و پارتی خۆی بۆ ئەو قۆناخە ئامادەکردووە؛ ئاماژەی بەوەشکرد، "ئەو کولتووری پێکەوەژیانەی لە هەرێمی کوردستان هەیە جێگەی شانازییە".

سەرلیستی پارتی دیموکراتی کوردستان لە بازنەی کەرکووک رایدەگەیێنێت: "ماوەیەکە بەمەبەست و بەپیلانی دوژمنانی پارتی، بەربژێرانی حیزبەکەمان بەئامانج دەگیرێن". داواش لە بەربژێران و کادرانی پارتی دەکات "لۆکە بخەنە گوێیان تاوەکو گوێیان لە پیلانگێڕی و دژایەتییەکان نەبێت''.

تۆڕی شەمس بۆ چاودێریی هەڵبژاردنەکان رایدەگەیێنێت، کڕین و فرۆشتنی دەنگ لە عێراق "زۆر بڵاوە"، تائێستا نزیکەی 100 کەس بەو هۆیەوە دەستگیرکراون، رێکخەری تۆڕەکە دەڵێت تاوەکو ئێستا 1,110 پێشێلکارییان تۆمار کردووە.

پرۆسەی هەڵبژاردن جموجۆڵی زۆری خستووەتە بازاڕی چاپخانەکان و کارگەکانی بەرهەمهێنانی جلوبەرگ، کارگەیەک لە هەولێر 5 ملیۆن ئاڵای پارتە سیاسییەکان و یەک ملیۆن ئاڵای کوردستان بە قەبارەی جیاواز دروست دەکات

ئەو حیزبە کوردستانییانەی بایکۆتی هەڵبژاردنی ئەنجوومەنی نوێنەرانی عێراقیان کردووە، لەسەر ناوچە جێناکۆکان هەڵوێستیان جیاوازە، بزووتنەوەی ئیسلامی پاڵپشتی لە بەربژێرانی کورد دەکات، بزووتنەوەی گۆڕانیش چاوەڕوانی ئەنجامی راپرسییەکی نێوخۆی حیزبەکەیە تاوەکو هەڵوێستی خۆی رابگەیێنێت.

هەفتەی داهاتوو بانگەشەی پارتی دیموکراتی کوردستان لە بازنەی نەینەوا دەستپێدەکات. بەرپرسی لقی 14ی ئەو حیزبە بە تۆڕی میدیایی رووداوی راگەیاند، بە کەرنەڤاڵێکی جەماوەری دەست بە بانگەشەی هەڵبژاردن دەکەن

#SUMMARY#