بەرگریی شارستانیی دهۆک: ئاگر لە شوقەیەک کەوتەوە و چوار خێزان رزگار کران

 

 

ئاگرەکە کاژێر 10:05ـی شەوی هەینی کەوتووەتەوە. لەو بارەیەوە بەرگریی شارستانیی دهۆک دەڵێت، "تیمەکانمان چوونە شوێنی رووداوەکە و توانییان ئاگرەکە کۆنترۆڵ بکەن".

 

بەگوێرەی بەرگریی شارستانیی دهۆک، لە رووداوەکەدا قوربانی نەبووە و تیمەکانیان چوار خێزانیان رزگار کردووە.

 

بەگوێرەی پۆلیسی هەرێمی کوردستان، لە ساڵی 2022دا حەوت هەزار و 546 رووداوی ئاگرکەوتنەوە لە هەرێمی کوردستان روویانداوە.

 

تاوەکو ئەمڕۆ ئاماری رووداوەکانی ئاگرکەوتنەوە لە ساڵی 2023دا بڵاونەبووەتەوە.