شاندێکی بازرگانیی هۆڵەندا لە سلێمانییە

 

ئەمڕۆ چوارشەممە 10-09-2025، ژووری بازرگانیی سلێمانی پێشوازی لە شاندێکی کۆنسووڵخانەی هۆڵەندا و چەند بازرگانێکی وڵاتەکە کرد کە ئامانجیانە لە شارەکە کار و وەبەرهێنان بکەن.

 

شێنێ ئیختیار فارس، ئەندامی ژووری بازرگانیی سلێمانی رایگەیاند، یەکەم جارە شاندێکی بازرگانانی هۆڵەندا سەردانی سلێمانی دەکەن و دەڵێت: "هاتنیان پەیامێکی روونە کە سلێمانی دەرفەتی کارکردنی تێدایە.''

 

شاندەکەی هۆڵەندا کە لە 9 بازرگان پێکدێت، سەرەتا سەردانی هەولێری کرد و بڕیارە ماوەی چوار رۆژ لە هەرێمی کوردستان بمێننەوە، بۆ ئەوەی لەگەڵ لایەنی حکومی و کەرتی تایبەت کۆببنەوە.

 

هۆڵەندا لە دوای ئەمریکا، دووەمین هەناردەکاری بەرهەمە کشتوکاڵییەکانە و یەکەمین بەرهەمهێنەری گوڵ، میوە و گۆشتە لە ئەورووپادا.