بەڕێوەبەری بەنداوەکان: ئاوی بەنداوەکانی دووکان و دەربەندیخان 100 ملیۆن مەتر سێجا زیادیان کردووە

 

 

ئەمڕۆ چوارشەممە 10-12-2025 رەحمان خانی، بەڕێوەبەری بەنداوەکانی هەرێمی کوردستان بە تۆڕی میدیایی رووداوی راگەیاند، ئاستی ئاوی بەنداوی دووکان 57 سانتیمەتر و بەنداوی دەربەندیخانیش 150 سانتیمەر بەرزبوونەتەوە، هەموو بەنداوە بچووک و پۆندەکانیش پڕ بوون یانیش سەرڕێژ بوون، بەتایبەتی ئەوانەی دەکەونە سنووری پارێزگای سلێمانی بە ئیدارە سەربەخۆکانی گەرمیان و راپەڕینەوە.

 

ئەمڕۆ چوارشەممە کەشناسیی هەرێمی کوردستان راگەیێندراوێکی لەبارەی زۆرترین بڕی بارانبارین لە 24 کاژێری رابردوودا لە وێستگە و ناوچە جیاوازەکان بڵاوکردەوە.

 

بەنداوی دووکان توانای گلدانەوەی 7 ملیار مەتر سێجا ئاوی هەیە، بەنداوی دەربەندیخانیش دووەم گەورەترین بەنداوی هەرێمی کوردستانە و توانای گلدانەوەی 3 ملیار مەتر سێجا ئاوی هەیە و بەنداوی دهۆک بەراورد بە دوو بەنداوەکەی دیکە بچووکە، بەڵام سێیەم گەورەترین بەنداوی هەرێمی کوردستانە و توانای گلدانەوەی 52 ملیۆن مەتر سێجا ئاوی هەیە.

 

 

چوارتا (سلێمانی) 201 ملـلیمەتر

 

یاخسەمەر (سلێمانی) 154.2 ملـلیمەتر

 

بەرزنجە (سلێمانی) 206.5 ملـلیمەتر

 

قەرەداخ (سلێمانی) 103.6 ملـلیمەتر

 

قڕگە (سلێمانی) 107.6 ملـلیمەتر

 

تەکیە (سلێمانی) 173.5 ملـلیمەتر

 

سلێمانی 122.7 ملـلیمەتر

 

چەمچەماڵ (سلێمانی) 127.1 ملـلیمەتر

 

ماوەت (سلێمانی) 112.1 ملـلیمەتر

 

دەربەندیخان (سلێمانی) 143.6 ملـلیمەتر

 

ئاخجەلەر (سلێمانی) 126 ملـلیمەتر

 

سەنگاو (سلێمانی) 144 ملـلیمەتر

 

کەشناسیی هەرێمی کوردستاندا دەڵێت، "بە گوێرەی وێنەی مانگی دەستکرد، ئێستا ئاسمان بە گشتی هەورە و شەپۆلی بارانبارین لەسەر ناوچەکەمان لاواز بووە."