دەسەڵاتی دادی ئێران، بڕیاری لەسێدارەدانی بۆ دوو گەنجی کوردی سنووری ورمێ دەرکرد و بڕیارەکە جێبەجێ کرا. دوای لەسێدارەدان، حکومەتی ئێران رێگەی نەدا لەناو شار پرسەیان بۆ دابنرێت. هاوڕێیەکیان لەنێو زیندان دەڵێت: " ناسر و میحراب دەستگیراندار بوون و تاوەکو دوا ساتیش دەستگیرانەکانیان چاوەڕێی ئازادکردنیان بوون."
گوتەبێژی وەزارەتی دەرەوەی ئێران رایدەگەیێنێت، ئەمریکا لە بابەتە ئەتۆمییەکان و هەڵگرتنی سزاکاندا خاوەن دیدگەیەکی جیدی نییە و لە هەڵەکانی رابردووی وانەی وەرنەگرتووە. ئیسماعیل بەقایی دەشڵێت: "بەدگومانییەکی زۆر بەسەر پەیوەندییەکانی ئێران و ئەمریکادا زاڵە."
لە ئەنجامی هێرشە ئاسمانییەکانی ئیسرائیل بۆ سەر باشووری لوبنان، رۆژی پێنجشەممە لانیکەم 15 کەس کوژران. جۆزێف عەون، سەرۆککۆماری لوبنان سەرکۆنەی "پێشێلکارییە بەردەوامەکان"ـی ئیسرائیل دەکات سەرەڕای هەبوونی رێککەوتنی ئاگربەست.
رۆمانی (کەوتنی ئاسمانەکان)ی نووسەر جەبار جەمال غەریب، وەرگێڕدرایە سەر زمانی ئینگلیزی و ئێستا بەردەستە.
10.5 ملیار مووچەیان وەرگرتووە
ئیمارات بڕیاریدا لە رێکخراوی وڵاتانی هەناردەکاری نەوت (ئۆپێک) و هاوپەیمانیی ئۆپێک پڵەس بکشێتەوە و رایدەگەیێنێت، بڕیارەکە لە سەرەتای مانگی داهاتووەوە جێبەجێ دەکرێت
پارتی دیموکراتی کوردستان و یەکێتیی نیشتمانیی کوردستان، کە تاوەکو ئێستاش دوو سەرەکیترین پێکهێنەری ئەم کابینەیەی حکومەتی هەرێمی کوردستانن، رۆژ بە رۆژ پەیوەندییەکانیان بەرەو ئاڵۆزیی زیاتر دەچێت و لەسەر ئاستی میدیا و تۆڕە کۆمەڵایەتییەکانیش، بە شێوەی نافەرمی هێرش دەکەنە سەر یەکدی
سوپای مالی رایدەگەیێنێت، گرووپە چەکدارەکان زنجیرەیەک هێرشی هاوئاهەنگیان کردووەتە سەر باماکۆی پایتەخت و چەند ناوچەیەکی دیکەی وڵاتەکە. سوپا دەڵێت: شەڕێکی سەختی لەگەڵ گرووپە چەکدارەکان کردووە بۆ بەرپەرچدانەوەی هێرشەکان.
سەرۆکوەزیرانی پاکستان لەگەڵ وەزیری دەرەوەی ئێران لە ئیسلامئاباد کۆبووەوە و رایدەگەیێنێت، گفتوگۆیەکی گەرم و دۆستانەیان لەبارەی دۆخی ناوچەکە و بەهێزکردنی پەیوەندییەکانی نێوان هەردوو وڵات کردووە.
