کۆبوونەوەی سەرۆک بارزانی و بافڵ تاڵەبانی لە پیرمام کۆتاییهات

 

بە گوێرەی زانیارییەکانی بەختیار قادر، پەیامنێری تۆڕی میدیایی رووداو، کۆبوونەوەکە نزیکەی دوو کاژێری خایاندووە و پێش کاژێر 16:00 کۆتاییهاتووە.

 

مژارێکی سەرەکی کۆبوونەوەکە پرسی بەربژێری سەرۆککۆماری عێراق بووە. 

 

19 بەربژێر کێبڕکێ دەکەن بۆ بوونە سەرۆککۆمار، دیارترینیان فوئاد حوسێن، بەربژێری پارتی دیموکراتی کوردستان و نزار ئامێدی، بەربژێری یەکێتیی نیشتمانیی کوردستانن.

 

هەر لە کۆبوونەوەکەدا پرسی پێکهێنانی کابینەی نوێی حکومەتی هەرێمی کوردستان باسی لێوەکراوە.

 

پارتی و یەکێتی بۆچوونی جیاوازیان لەبارەی پێکهێنانی کابینەی دەیەم هەیە و ئەوەش وایکردووە، ئەو کابینەیە تاوەکو ئێستا پێکنەهێندرێ.