کێ بەشداریی رێوڕەسمی چەکدانانی پەکەکە دەکات؟

 

 

- هێمن هەورامی، نوێنەری سەرۆک ،مەسعود بارزانی

- دڵشاد شەهاب، نوێنەری نێچیرڤان بارزانی، سەرۆکی هەرێمی کوردستان.

- نوێنەری یەکێتی نیشتمانیی کوردستان

- بەسێ هۆزات و مستەفا قەرەسوو، نوێنەرانی پارتی کرێکارانی کوردستان. 

- لیوا تارق ئەحمەد، نوێنەری وەزارەتی نوخۆی هەرێمی کوردستان. 

 

 جگە لە کوردستان و تورکیا، شاندێک لە ئەورووپا و ئەمریکاوە بەشداری دەکەن، کە زیاتر لە 30 کەس لە پەرلەمانتار، کەسانی ئەکادیمی و سیاسین.

  

بەشدارانی دەرەوەی هەرێمی کوردستان و شارە جیاوازەکانی هەرێمی کوردستان لە ئێستادا بەشێکیان گەیشتوونەتە قەزای دووکان و بەشێکیش لە رێگەدان.

 

ڕێوڕەسمەکە لە کوێ بەڕێوەدەچێت؟

 

رێوڕەسمەکە لە باشووری کوردستان بەڕێوەدەچێت، بەڵام تاوەکو ئێستا شوێنەکەی بۆ رای گشتیی ئاشکرا نەکراوە. 

 

 

رێگە بە راگەیاندکاران نادرێت، رێوڕەسمەکە راستەوخۆ رووماڵ بکەن، بەڵام کۆما جڤاکێن کوردستان (کەجەکە) دەڵێت، دوای کاژێر 11 دیمەنەکان بۆ رای گشتیی بڵاودەکرێنەوە.

 

 

بەگوێرەی زانیارییەکانی تۆڕی میدیایی رووداو، 33 بۆ 44 گەریلا لە رێوڕەسمەکە چەک دادەنێن. 

 

 

دوای چەند سەردانێکی شاندی دەم پارتی بۆ لای عەبدوڵڵا ئۆجەلان لە ئیمراڵی، رێبەری پەکەکە لە 27ی شوباتی ئەم ساڵ داوای لە پارتەکەی کرد کۆنگرە ببەستێت، چەک دابنێت و خۆی هەڵبوەشێنێتەوە.

 

لەسەر ئەو داوایەی ئۆجەلان، پەکەکە لە رۆژانی 5 - 7ی ئایار 12یەمین کۆنگرەی خۆی بەست و بڕیاری خۆهەڵوەشاندنەوە و کۆتاییهێنان بە خەباتی چەکداری دا.

 

رەجەب تەیب ئەردۆغان، سەرۆککۆماری تورکیا، دەوڵەت باخچەلی، سەرۆکی پارتی بزووتنەوەی میلـلی تورکیا و ژمارەیەک لە پارتەکانی تورکیا پێشوازییان لە بانگەوازی ئۆجەلان کرد و پرۆسەکە پێی نایە قۆناخێکی نوێ و بەردەوامە.