پێنجەمین فێستیڤاڵی ئەسپی رەسەنی کوردی لە بۆکان بەڕێوەچوو

 

خاوەن ئەسپەکان زیاتر لە پارێزگای ورمێ، سنە، کرماشان، ئیلام و هەمەدانەوە بەشدارییان کردبوو و ژمارەیەکی کەمیان ژنن.

 

یەکێک لە ئامانجەکانی بەڕێوەبردنی فێستیڤاڵەکە، پاراستنی ئەسپی رەسەنی کوردییە؛ ئەسپێک کە بە سەر، مل، چاو، کلک و پێیەکانی لە رەگەزەکانی دیکە جیادەکرێتەوە و بە بەهێزییەکەی بەنێوبانگە و لە رابردوودا بۆ کاری سەخت و لە شەڕەکان بەکارهاتووە.

 

ئەسپی کوردی لە رەسەنترین، خۆڕاگرترین و بەتواناترین ئەسپەکانە. 

 

سێ جۆری سەرەکیی هەیە بە ناوەکانی جاف، ئەفشاری و سەنجاوی. ئەسپی کوردی لە کوردستان و چەندین ناوچەی دیکەی جیهانیش بەخێودەکرێ.