بەردی بناخەی پارکی هەریر دادەنرێت

 

 

رۆژی سێشەممە 12-4-2022، کاروان کەریم خان، بەڕێوەبەری ناحیەی هەریر بە تۆڕی میدیایی رووداوی راگەیاند، ئەمڕۆ بە ئامادەبوونی پارێزگاری هەولێر، بەردی بناخەی دروستکردنی پارکی هەریر و کۆنکرێتکردنی چەند کۆڵانێکی ناوچەکە دانرا.

 

بەڕێوەبەری ناحیەی هەریر گوتیشی، "پارکی هەریر لە رووبەری 12 دۆنم زەویدا بە گوژمەی ملیارێک و 326 ملیۆن و 792 هەزار دینار دروستدەکرێت کە دیاری نێچیرڤان بارزانی، سەرۆکی هەرێمی کوردستانە." 

 

ئاماژە بەوەش دەکات، چەند گەڕەکێک لە ناحییەکانی هەریر و باسرمە بە گوژمەی 694 ملیۆن و 950 هەزار دینار لەسەر بودجەی وەزارەتی شارەوانی و گەشتوگوزار قیرتاو دەکرێن. 

 

ناحیەی هەریر سەر بە پارێزگای هەولێرە؛ سنووری ناحیەکە بە تێکڕای گوندەکانییەوە دانیشتوانەکەی نزیکەی 40 هەزار کەسە.