سەرۆک بارزانی لەبارەی چەکدانانی پەکەکە و پرۆسەی ئاشتی: پشتیوانی لە سەرکەوتنی دەکەین

 

سەرۆک بارزانی ئەمڕۆ دووشەممە، 12-5-2025 پەیامەکەی بڵاوکردووەتەوە، تێیدا هاتووە: "ئێمە هیوادارین ئەو پڕۆسەیە بگاتە ئەنجامێکی باش و لە بەرژەوەندی و خێری ناوچەکە و هەموو لایەک بێت." 

 

دوای بەستنی کۆنگرەی 12یان لە سەرەتای ئەم مانگە، ئەمڕۆ دووشەممە، 12-5-2025 پەکەکە بڕیاری چەکدانان و خۆهەڵوەشاندنەوەی دا و رایگەیاند، بڕیارەکە "بۆ چارەسەری دیموکراتی و ئاشتییەکی دوورمەودایە."

 

پەکەکە لە راگەیێندراوەکەیاندا داوا لە هەموو پارت، رێکخراو و کەسایەتییەکانی تورکیا دەکات، "بۆ ئاشتی رۆڵی خۆیان بگێڕن."

 

 

 

بەناوی خودای بەخشندە و میهرەبان

جێگەی خۆشحاڵیە لە پڕۆسەی چارەسەریی ئاشتی لە تورکیا لایەنەکان هەڵوێستی باشیان هەبوو و هەنگاوی ئەرێنی بە ئاراستەی چارەسەری ئاشتیانە نرا. هەروەها پەکەکەش کۆنگرەی خۆی بەست و کۆمەڵێک بڕیاری دەرکرد. ئێمە هیوادارین ئەو پڕۆسەیە بگاتە ئەنجامێکی باش و لە بەرژەوەندی و خێری ناوچەکە و هەموو لایەک بێت. ڕاشیدەگەیێنین بە هەموو شێوەیەک پشتیوانی لە سەرکەوتنی ئەو پڕۆسەیە دەکەین.

مسعود بارزانی

12ی ئایاری 2025