پارتی: لە هەولێر 10 کورسیمان بردووە و بەرگریی لە هەموو دەنگێکمان دەکەین

 

بەگوێرەی ئەنجامەکانی کۆمیسیۆنی هەڵبژاردنەکانی عێراق، لە هەولێر، پارتی 9 کورسی، یەکێتی سێ کورسی، هەڵوێست دوو کورسی و نەوەی نوێ کورسییەکی بردووەتەوە.

 

مەکتەبی هەڵبژاردنی پارتی دەڵێت، حیزبەکە 10 کورسیی ھەولێر بەجیاوازی زیاتر لە 5 هەزار دەنگ دەبات و بابەتەکە "بەھەڵە" لەلایەن لایەنێک بڵاوکراوەتەوە و کورسییەکی پارتی کەمکردووەتەوە.

 

 

پارتی ( ١٠) کورسی ھەولێر دەبات

 

بەپێی سیستمی سانتلیگۆ، پارتی دیموکراتی کوردستان (١٠) کورسی ھەولێر بەجیاوازی زیاتر لە (٥٠٠٠) پێنج ھەزار دەنگ دەبات، ئەم بابەتە بەھەڵە لەلایەن لایەنێک بڵاو کراوەتەوە و کورسیەکی پارتی کەمکردۆتەوە، بەپێی ڕاگەێندراوی کۆمسیۆنی باڵای ھەڵبژاردنەکانی عێراق، ژمارەی ئەو وێستگانەی، کەلەھەولێر ھەژمار نەکراون بریتیە لە ( ٧-٨ ) وێستگە و لای ئێمە دەنگەکان بەفەرمی لەبەردەستن، بۆیە لەھەر دەنگێکی خۆمان بەتوندی بەرگری دەکەین .

 

بەشی ھەڵبژاردنی مەکتەبی ڕێکخستنی پارێزگای ھەولێری پارتی دیموکراتی کوردستان