کەشناسی: ئەمڕۆ و سبەی باران دەبارێت

 

کەشناسیی هەرێمی کوردستان رایگەیاند، "ئەمڕۆ نمەباران و بارانی مامناوەند بە پچڕپچڕی لە زۆربەی ناوچەکان دەبارێت؛ لە ناوچە شاخاوییە بەرزەکانیش بەفر دەبارێت".

 

کەشناسیی هەرێمی کوردستان دۆخی کەشوهەوای سبەی شەممەی بەمشێوەیەیە خستووەتەڕوو: "لە زۆربەی ناوچەکان نمەباران و بارانی ناوبەناو دەبارێ، لە ناوچە شاخاوییەکان بەفر دەبارێت و شەو ئەم شەپۆلە کۆتایی دێت".

 

لە 07ـی ئەم مانگەوە شەپۆلێکی بارانبارینی ناوبەناو باشووری کوردستانی گرتووەتەوە، بەهۆیەوە لە 9ـی مانگدا لە چەند ناوچەیەک لافاو دروستبوو و زیانی گیانی و مادی لێکەوتەوە.

 

محەممەد کەمال، شارەزای کەشوهەوا ئەمڕۆ هەینی بە تۆڕی میدیایی رووداوی راگەیاند، "تاوەکو چەند رۆژی داهاتوو ناسەقامگیری کەش بەردەوام دەبێت؛ هەندێک رۆژ و کات نمەباران دەبارێت و هەندێک کات دۆخەکە ئاسایی دەبێ، پێنجشەممە 18ـی ئەم مانگە دۆخی کەشوهەوا سەقامگیر دەبێتەوە و ئاسمان ساماڵ دەبێت".

 

بەگوێرەی کەشناسیی هەرێمی کوردستان، ئەمڕۆ بەراورد بە دوێنێ پلەی گەرما یەک بۆ دوو پلەی نزم دەبێتەوە و سبەی هاوشێوەی ئەمڕۆیە و بەمشێوە دەبێت:

 

هەولێر: 13 پلەی سیلیزی

سلێمانی: 13 پلەی سیلیزی

دهۆک: 14 پلەی سیلیزی

زاخۆ: 14 پلەی سیلیزی

کەرکووک: 15 پلەی سیلیزی 

هەڵەبجە: 13 پلەی سیلیزی

سۆران: 8 پلەی سیلیزی

ئاکرێ: 13 پلەی سیلیزی

ئامێدی: 10 پلەی سیلیزی

گەرمیان: 15 پلەی سیلیزی