بە 4 مووشەک هێرش کرایە سەر سەربازگەی کەی وەن لە کەرکووک

 

پەیامنێری رووداو گوتی، روونە کە سەکۆکان دروستکراوی نێوخۆی عێراقن. 

 

هیوا حوسامەدین ئاماژەی بەوەشکرد، بەشی زۆری ناوچەکە چۆڵە و تاوەکو ئێستاش کەس دەستگیرنەکراوە؛ ئاماژەی بەوەشکرد، دۆزینەوەی شوێنی ئاراستەکردنی مووشەکەکان لە لایەن هێزە ئەمنییەکانەوە نزیکەی 20 خولەکی خایاندووە. 

 

هاوکات زیاد ئیسماعیل، پەیامنێری رووداو لە بەغدا گوتی، ئەمشەو دووجار دەنگی تەقینەوە لە بەغدا بیسترا، بەڵام ئەو گرووپە چەکدارانەی خۆیان بە موقاوەمەی ئیسلامی دەناسێنن، سێ راگەیێندراویان هەبووە و دەڵێن، سێجار هێرشیان کردوەتە سەر بنکەی ڤیکتری لە فڕۆکەخانەی نێودەوڵەتیی بەغدا.