لە رووداوێکی هاتووچۆدا لە نزیک کۆیە کەسێک گیانی لەدەستدا و دووانیش بریندارن

 

 

رووداوەکە نیوەڕۆی ئەمڕۆ یەکشەممە، 13-07-2025، لە نێوان بارهەڵگرێک و ئۆتۆمبێلێکی تایبەتدا لە نزیک بەنداوی سماقووڵی لە قەزای کۆیە لە پارێزگای هەولێر روویداوە. 

 

هاوکار عەلی، گوتەبێژی تەندروستی کۆیە بە تۆڕی میدیایی رووداوی گوت: "ئەمبوڵانس نێردراوە بۆ شوێنی رووداوەکە، کە کەسێک گیانی لەدەستداوە و دوو برینداریش هەن، برینەکانیان سەختە".

 

بە گوتەی هاوکار عەلی، هەر سێ قوربانییەکە لە نەتەوەی عەرەبن.

 

بریندارەکان و تەرمی قوربانییەکە براونەتە قەزای کۆیە و پۆلیس پەڕاوی لێکۆڵینەوەی کردووەتەوە.