نێچیرڤان بارزانی: ههموو ههوڵێک دهدهین پرۆسهی دهنگدان و ههڵبژاردن سهرکهوتووانه بهڕێوه بچن
رووداو دیجیتاڵ
بەبۆنەی کۆتاییهاتنی ئەرکەکەی وەکو کۆنسوڵی گشتیی هۆڵەندا لە هەولێر، سەرۆکی هەرێمی کوردستان پێشوازیی لە کۆنسوڵی هۆڵەندا کرد. نێچیرڤان بارزانی ئاماژەی بەوەش کردووە، "ههموو ههوڵێک دهدهن و کار بۆ ئهوه دهکهن پرۆسهی دهنگدان و ههڵبژاردن سهرکهوتووانه بهڕێوه بچن."
سەرۆکایەتیی هەرێمی کوردستان ئاماژەی بەوە کردووە، پاشنيوهڕۆى ئهمڕۆ سێشهممه 13-08-2024 نێچيرڤان بارزانى، سهرۆكى ههرێمى كوردستان بۆ ماڵئاوايى و بهكۆتاهاتنى ئهركهكهى، پێشوازیى له ياكۆ بيريندز، كۆنسوڵى گشتيى شانشينى هۆڵهندا له ههرێمى كوردستان كرد.
له ديدارهكهدا، وەکو لە راگەیێندراوەکەدا هاتووە، نێچيرڤان بارزانى سوپاس و پێزانينى بۆ رۆڵ و ئهركى كۆنسوڵى گشتيى هۆڵهندی له ماوهى كاركردنى له ههرێمى كوردستان و ههوڵهكانى بۆ برهودان به پهيوهندييهكانى وڵاتهكهى لهگهڵ ههرێمى كوردستاندا دهربڕى و هيواى سهركهوتنى له ئهركى نوێيدا بۆ خواست.
لاى خۆيهوه كۆنسوڵى گشتيى هۆڵهندا وێڕاى دهربڕينى خۆشحاڵى به كاركردنى له ههرێمى كوردستان، سوپاسى نێچيرڤان بارزانى و هاريكارى و پشتگيريى لايهنه پهيوهنديدارهكانى ههرێمى كوردستانى بۆ سهرخستنى ئهركهكهی كردووە، ههروهها خواستى وڵاتهكهى بۆ برهودان به هاريكاريى هاوبهش و پهيوهندييهكانى لهگهڵ ههرێمى كوردستان له ههموو بوارهكاندا، دووپات كردهوه.
ههڵبژاردنی پهرلهمانی کوردستان، تهوهرێکی دیکهی دیدارهکه بوو، تیایدا نێچیرڤان بارزانی دووپاتی کردهوه که ههموو ههوڵێک دهدهن و کار بۆ ئهوه دهکهن پرۆسهی دهنگدان و ههڵبژاردن سهرکهوتووانه بهڕێوه بچن. کۆنسوڵی گشتیی هۆڵهندیش ستایشی سهرۆکی ههرێمی کوردستان و ههوڵهکانی بۆ ئهنجامدان و سهرخستنی ههڵبژاردن کرد.