بە 7 درۆن هێرش کرایە سەر هەرێمی کوردستان

 

سەرچاوەیەکی ئاگادار بە تۆڕی میدیایی رووداوی گوت: "کاژێر 10:00ـی بەیانی ئەمڕۆ شەش درۆن لە ئاسمانی هەولێر تێکشکێندران".

 

درۆنەکان لەلایەن سیستمی بەرگرییەوە تێکشکێندران. 

 

هەر ئەمڕۆ نزیک کاژێر 10:00ـی بەیانی، درۆنێک ئاراستەی سلێمانی کرا. بەگوێرەی زانیارییەکانی رووداو، درۆنەکە لە چۆڵەوانییەک کەوتووەتە خوارەوە و زیانی گیانی نەبووە.

 

لە دەستپێکی جەنگی ئەمریکا و ئیسرائیل دژی ئێران لە 28ـی شوبات تاوەکو ئەمڕۆ 14ـی ئادار، هەرێمی کوردستان بە زیاتر لە 300 درۆن و مووشەک بۆردوومان کراوە.