پێشبینیی کەشناسی: لە ئەمڕۆوە کەشەکە بەهارییە و دەتوانن بچنە سەیران

 

 

کەشناسیی هەرێمی کوردستان رایگەیاند، "ئەمڕۆ ئاسمان ساماڵ و پەڵە هەور دەبێت. ئێوارە لە هەندێک ناوچەی شاخاوی ئەگەری بارانی کورتمەدا هەیە."

 

بەگوێرەی راگەیێندراوی ئەمڕۆی کەشناسیی هەرێمی کوردستان، پێشبینی دەکرێت لە ئەمڕۆوە تاوەکو شەممە "هەرێمی کوردستان لەژێر کاریگەری هیچ شەپۆلێکی باراندا نەبێت."

 

لەبارەی کەشوهەوای سبەیەوە کەشناسیی رایگەیاند، "ئاسمان بەگشتی ساماڵ و پەڵە هەور دەبێت."

 

د. لوقمان موفتی، شارەزای کەشناسی، ئەمڕۆ بە تۆڕی میدیایی رووداوی گوت، "لە ئەمڕۆوە کەشوهەوا بۆ چەند رۆژێک تەواو لەبار و خۆش دەبێ بۆ چوونە گەشت و سەیران."

 

موفتی پێشبینی کرد، سەرەتای هەفتەی داهاتوو شەپۆلێکی "بەهێز"ـی بارانبارین باشووری کوردستان بگرێتەوە.

 

 

هەولێر: 20 پلەی سیلیزی 

سلێمانی: 18 پلەی سیلیزی

دهۆک: 19 پلەی سیلیزی

کەرکووک: 21 پلەی سیلیزی

هەڵەبجە: 20 پلەی سیلیزی

پیرمام: 16 پلەی سیلیزی

سۆران: 16 پلەی سیلیزی 

حاجی ئۆمەران: 10پلەی سیلیزی 

چەمچەماڵ: 19 پلەی سیلیزی

زاخۆ: 19 پلەی سیلیزی 

گەرمیان: 23 پلەی سیلیزی