بکوژی هاونیشتمانییەکەی خورماڵ دەستگیر کرا

 

دوای رووداوەکە، تۆمەتبار بۆ شوێنێکی نادیار هەڵات و دوای کەمتر لە کاژێرێک، ئاسایشی شارەزوور دەستگیرکردنی بکوژەکەی راگەیاند. 

 

بەگوێرەی راگەیێندراوی دەزگای ئاسایشی هەرێمی کوردستان، تۆمەتبار لەکاتی لێکۆڵینەوەدا دانی بە تاوانەکەیدا ناوە و بەپێی مادەی (406) لە یاسای سزادانی عێراقی، راگیراوە و لێکۆڵینەوەکان لەبارەی رووداوەکەوە بەردەوامن.

 

 

بەرەبەیانی رۆژی 14-09-2025، لە ناحیەی خورماڵی پارێزگای هەڵەبجە گەنجێک دەکوژرێت و دوای رووداوەکە تۆمەتبار هەڵدێت.

 

بەڕێوەبەرایەتیی ئاسایشی شارەزوور، دەستبەجێ لەسەر ئەم رووداوە لێکۆڵینەوە و بەدواداچوونی ئەنجامدا، دوای کۆکردنەوەی زانیاریی ورد، لەماوەی کەمتر لە کاتژمێرێکدا توانرا تۆمەتبار دەستنیشان بکرێت و بە فەرمانی دادوەری لێکۆڵینەوەی ئاسایش دەستگیربکرێت و لەکاتی لێکۆڵینەوە تۆمەتبار دانی بەتاوانەکەیدا ناوە.

 

لەئێستادا تۆمەتبار بەپێی مادەی (406) لە یاسای سزادان راگیراوە.